هێرشی دوێنێشەوی سەر لالەزار لە لایەن هێزەکانی ی.ن.ک ئەنجام دراوە و کێشەیەکی نێوان ی.ن.ک و بەرەی گەل بووە و سەرۆکایەتیی حکومەتی هەرێم ئاگادار نەبووە تا دواساتەکانی گەمارۆدان و پەلاماردان.
سەرەڕای هەوڵی زۆری سەرۆکی حکومەت بۆ ئەوەی شەڕ و پێکدادان ڕوو نەدات، بەڵام زۆر بەداخەوە هێڕشەکە ئەنجام درا و کوژراو و برینداری لێ کەوتەوە.
زۆر نیگەران و دڵگرانین بەو ڕووداوە و ئێستاش، پێویستە یاسا ببێتە جێگرەوەی بڕیاری حزبی و توندوتیژی و چیتر شەڕ و ئاژاوە، سەقامگیریی هەرێمی کوردستان نەخاتە مەترسییەوە.
نووسینگەی سەرۆکی حکومەتی هەرێمی کوردستان
2025/8/22