بەهۆی تەقینەوەی ئۆتۆمبێلێکی بۆمبڕێژکراو لە بنکەیەکی سەربازیی سەر بە هێزەکانی پاراستنی سنوور لە شاری “بەنو” لە هەرێمی “خەیبەر پەختونخوا”ی باکووری ڕۆژئاوای پاکستان، سێ کارمەندی ئەمنی بریندار بوون.
پۆلیسی هەرێمی خەیبەر پەختونخوا لە ڕاگەیەندراوێکدا لە هەژماری فەرمیی خۆی لە تۆڕی کۆمەڵایەتیی فەیسبووک بڵاوی کردەوە، دوای تەقینەوەکە دەنگی تەقە بیستراوە.
لە ڕاگەیەندراوەکەدا هاتووە، ژمارەیەک لە هێرشکارەکان کوژراون و هێزە ئەمنییەکان شوێنی ڕووداوەکەیان گەمارۆ داوە. هەروەها داوا لە هاووڵاتییان کراوە لە ماڵەکانیاندا بمێننەوە و بنکە سەربازییەکەش داخراوە.
بە گوتەی شایەتحاڵان، پارچەکانی ئۆتۆمبێلە تەقیوەکە بە درێژاییی ڕێگای کۆهات بڵاو بوونەتەوە.