نووری مالیکی سەرۆکی هاوپەیمانی دەوڵەتی یاسا هۆشداریدا، شەمشەمەکوێرەی تاریکی هەنگاو دەنێن بۆ رووخاندنی پرۆسەی سیاسی لە عێراق.
مالیکی ئاماژەی بەوەدا: “پاراستنی پرۆسەی سیاسی و بەردەوامی هەوڵە سیاسییەکان بۆ بنیاتنانی دەوڵەت نوێنەرایەتی بنەماکانی رێبازی دەوڵەتی یاسا دەکەن. پێویسته پرۆسەی سیاسی و دەستوور و گەل پێش بخرێط بۆ بەردەوامبوونی ئەو پرۆسەیە.”
راشیگەیاند، “هاوپەیمانییەکەی رێگە بە گەڕانەوەی دیکتاتۆریەت و رەگەزپەرستی و تائیفەگەری و کۆمەڵکوژی و شەڕە بێماناکان نادات و ئامانج ئەوەیە عێراق بەهێز و خۆڕاگر بێت، کاریگەری لەسەر قەیرانەکان نەبێت، هەروەها پاراستنی لە سوڕی شەڕ و رووبەڕووبوونەوەکان”.
مالیکی روونیشی کردەوه، “عێراق بە فەتوای دەسەڵاتی ئایینی داعشی تیرۆریستی تێکشکاند و پێویسته پشت به دەستوور ببەسترێت وەک بنەمایەک بۆ مامەڵەکردن لەنێوان عێراقییەکان بۆ گواستنەوەی ئاشتیانەی دەسەڵات لەڕێگەی سندوقی دەنگدانەوە. جەختیشی لەوە کردەوە کە “سەردەمی تانک و پیلانگێڕی کۆتایی هاتووە و گۆڕانکاری تەنیا لەڕێگەی سندووقی دەنگدانەوه دەکرێت.”
ئاماژەی بەوەشکرد، “هەڵبژاردن ئەرکێکی نیشتمانییە و ناتوانرێت دوابخرێت، هەر دواخستنێک بەمانای کۆتایی هاتنی پرۆسەی سیاسی و دیموکراسی دێت”. ئاماژەی بەوەشکرد، “ئەوانەی بەرپرسیارێتی دەگرنە ئەستۆ دەبێت خزمەتگوزاری پێشکەش بکەن و کۆتایی بە هەژاری بهێنن”.
مالیکی لە کۆتایی قسەکانیدا گوتی: “خەمی دەنگۆ و پڕوپاگەندە مەخۆن، بە ئیرادەی گەلەکەمان بەرەو پێکهێنانی پەرلەمان و حکومەت و پرۆسەی سیاسی، دوور لە تەحەددا و فشارە دەرەکییەکان بەرەو پێشەوە دەڕۆین.”