فاتمە موهاجرانی، گوتەبێژی حکوومەتی ئێران، ڕۆژی چوارشەممە لە پەراوێزی کۆبوونەوەی ئەنجوومەنی وەزیراندا، لە وەڵامی پرسیارێکدا سەبارەت بە دۆخی دانوستانەکانی نێوان ئێران و ئەمریکا، گوتی: “ئاڵوگۆڕی پەیامە ناڕاستەوخۆکان لەگەڵ ئەمریکا بەردەوامە و ئەم پرۆسەیە پێشتریش هەر لە ئارادابووە.”
ناوبراو جەختی کردەوە: “لەوەتەی پێشوو تا ئێستا، ئاڵوگۆڕی پەیامە ناڕاستەوخۆکان لەگەڵ ئەمریکا بەردەوام بووە و هەر بەردەوامیشە.”
شایەنی باسە، پێشتر لە 22ی ئابی ڕابردوودا، عەلی خامنەیی، ڕێبەری کۆماری ئیسلامیی ئێران، دانوستانی ڕاستەوخۆی نێوان ئێران و ئەمریکای ڕەت کردەوە و کێشەکانی نێوان هەردوو وڵاتی بە “چارەسەرنەکراو” ناو بردبوو.
