ئەندازیار پەروین ئەکرەم گۆران بەربژێرا ژمارە 10 لسەر لیستا 275یا پارتی دیموکراتی کوردستان ل بازانا دهۆکێ بۆ پەرلەمانێ عێراق بۆ ئاژانسا هەواڵی زاگرۆس راگەهاند: ئێک ژ کارێن مە یێن سەرەکی جێبەجێ کرنا ماددێ 140و هەر وەسا رەوشا دەڤەرێن کوردستانی یێن دەرڤەی ئیدارا هەرێما کوردستانێ و کەرکوک و شنگال و هەمی ئەو دەڤەرێن نها ل بن دەستێ وان هێزێن نەیاسایی دایە بهێنە ئاسایی کرنە ڤە، و ئیدارا هەڤبەش بزفریتە وان دەڤەرا ل پێشمەرگەی و هێزێن عێراقی بۆ هندێ دیف دەستووری ئایندێ وان دەڤەرا بهێتە دیارکرن.
بەربژێرا ژمارە 10ل سەر لیستا پارتی گۆت ژی: کارێ من پالپشتی و ھاريکاری کرنە بۆ کەرتێ چاندنی بھێز کرن زێدەکرنە بۆ ڤی کەرتی و ھاريکاريا جوتياران بۆ ھندێ زێدەتر گرنگی ب چاندنێ و بەرھەمێ خومالی بھێتە دان.
پەروین گۆران زێدەتر گوت: داخازامن ژ خەڵکێ مە یێ کوردستانێ قەستا سەر سندقێت دەنگدانێ بکەن و دەنگێ بدەنە لیستا 275یا پارتی بۆ ئارامی و ئێمناهی و ئاڤەدانیا زێدەتر چۆنکە پارتی شۆرەش و خەبات کریە بۆ سەرکەفتنا کوردستانێ.