ئیبراهیم لالو برو، بەربژێرێ پارتی دیموکراتی کوردستان (پ.د.ک) ل بازنێ نەینەوا، د لێدوانەکا تایبەت دا بۆ ئاژانسا نووچەیا زاگروس، دووپات کر کو پەیاما وان نوێنەرایەتیا هەمی چین و پێکهاتەیانە.
برو ڕاگەهاند: “دەنگێ مە، دەنگێ هەژاران و چینا کرێکارانە. دەنگێ مە، دەنگێ هەمی خەلکی یە، ئەمانەتەکێ مەزنە ل دەستێ مەدا. هەمی خەلکێ نەینەوا بهەمی پێکهاتەیانڤە دناڤ لیستا (٢٧٥) لیستا سەرۆک بارزانی دا هەیە.”
بەربژێرێ پ.د.ک ل دووڤدا دیار کر کو لیستا (٢٧٥) یا پارتی دێ رێژەیەکا زۆرا دەنگێن خەلکی یێن پێکهاتەیێن دی ل پارێزگەهێ ب دەستڤە ئینیت، ژبەرکو: “پارتی خزمەتا هەمی خەلکێ نەینەوا دکەت. هەر جهەکێ پارتی تێدا هەبیت، ئارامی و ئاڤەدانی لێ پەیدا دبیت. ژبەر ڤێ چەندێ، گەلەک ژ خەلکێ نەینەوا دێ دەنگێ خۆ دەنە لیستا پارتی.”
ل دووماهیێ، بەربژێرێ ژمارە (٧) یێ لیستا پارتی ل نەینەوا، ئیبراهیم لالو برو، پەیامەک ئاراستەی خەلکی کر و داخواز کر: “پەیاما مە بۆ خەلکی ئەوە کو ل ڕۆژا دەنگدانێ قەستا سندوقێن دەنگدانێ بکەن و دەنگێ خۆ بدەنە لیستا سەرۆک بارزانی، لیستا (٢٧٥)، کو لیستا خزمەتکارنا چینا هەژار و کرێکارانە.