ئاژانسی رۆیتەرز رایگەیاند کە عێراق لە سەرەتای ئەم مانگە سێ باره نەوتی خاوی بۆ کۆمپانیای “لوک ئۆیل”ـی رووسی هەڵوەشاندووەتەوە.
رۆیتەرز لە زاری دوو سەرچاوەوە گواستیەوە کە ئاماژەیان بە نیگەرانییەکان سەبارەت بە گەمارۆکانی ئەمریکا و بەریتانیای سەپێنراو بەسەر کۆمپانیا رووسییەکەدا کردووە.
هەروەها دەڵێت کە کۆمپانیای “سۆمۆ” بارەکانی بەرهەمهێنانی “لوک ئۆیل”ـی لە پشکی خۆی لە کێڵگەی رۆژئاوای قورنە هەڵوەشاندووەتەوە و ئاماژەی بەوە کردووە کە بارەکان بڕیار بوو لە رۆژانی ١١، ١٨، و ٢٦ی تشرینی دووەم باربکرێن.