فیلمی “Jurassic World: Rebirth” لە سینەماکانی جیهان بەردەوامە لە کۆکردنەوەی داهات و تاوەکو ئێستا زیاتر لە 869 ملیۆن دۆلاری بەدەستهێناوە.
بەپێی ئامارەکانی کۆمپانیای (Universal Pictures)، فیلمەکە کە لە تەممووزی 2025ـەوە نمایش دەکرێت، لە سینەماکانی ئەمریکا 339 ملیۆن دۆلار و لەسەر ئاستی جیهانیش 529 ملیۆن دۆلاری کۆکردووەتەوە.
چیرۆکی ئەم بەشە نوێیە باس لە جیهانێک دەکات کە تێیدا ژمارەی دایناسۆرەکان روو لە کەمبوونەوەیە و تەنیا لە ناوچەیەکی دیاریکراوی سەر هێڵی کەمەرەیی زەوی دەژین.
لە فیلمەکەدا سکارلێت جۆهانسن رۆڵی پسپۆڕێکی ئۆپەراسیۆنە نهێنییەکان دەگێڕێت کە ئەرکی دۆزینەوەی (DNA)ی دایناسۆرەکانە بۆ کۆمپانیایەکی دەرمان.
فیلمەکە بەرهەمێکی سەربەخۆیە و چیرۆکەکەی پەیوەندییەکی ئەوتۆی بە بەشەکانی پێشووی (Jurassic World)ـەوە نییە.