ئهمهش دهقی پهیامهكهیه:
بەناوی خودای بەخشندە و میهرەبان
بەنیگەرانی قوڵەوە دەڕوانینە ڕووداوەکانی ئەم دواییەی سوریا و ڕۆژئاوای کوردستان و هێرشەکانی سوپای سوریای عەرەبی بۆ سەر پێکهاتەی ڕەسەنی کورد لەو وڵاتە، لەم باردۆخە هەستیارەی ناوچەکە داوای دانبەخۆداگرتنی هەمووان لە سوریا دەگەین بە گفتوگۆ و دیالۆگ کێشەکان چارەسەر بکەن و مافی ئازادی تەواوی پێکهاتەکان بپارێزێت، ئێمە وەک پێکهاتەی نەتەوەیی تورکمانی لە هەرێمی کوردستان عێراق پشتگیری لە دابینکرنی تەواوی مافی پێکهاتەکان دەکەن لە حکومەتی ڕاگوزەری سوریا و دەخوازین سود لە ئەزموونی سەرکەوتووی هەرێمی کوردستان وەربگرن لە دابین کردنی مافی زمان و کلتوری تەواوی پێکهاتە جیاوازەکان،
لێرەوە داوا لە کۆمەلگای نێودەوڵەتی لەسەرووی هەموویان ئەمریکا دەکەین گوشار لە حکومەتی سوریا بکەن ئەو هێرشەرانە بۆ سەر پێکهاتەی کوردی ئەو وڵاتە ڕابگرن و لە دەستوری نوێی سوریا مافی کورد و تەواوی پێکهاتەنەتەوە و ئاینییەکانی ئەو ووڵاتە دابین بکەن.
پارتی گەشەپێدانى توركمان
پارتی ديموكراتى توركمان
پارتی گەزەنگی تورکمان – کەرکوك
پارتی رزگاری نەتەوەیی تورکمان
پارتی یەکگرتووی توركمان
