وەتسئەپ تایبەتمەندییەکی نوێ بۆ بەکارهێنەرانی (iOS) بڵاوکردووەتەوە کە ڕێگە دەدات کاتێک ئەندامێکی نوێ زیاد دەکرێت بۆ گرووپ، نامە کۆنەکانی گرووپ لەگەڵی هاوبەش بکرێن. بەڕێوەبەری گرووپ دەتوانێت تا (١٠٠) نامەی کۆتایی لە ماوەی (١٤) ڕۆژی ڕابردوو نێرێت بۆ ئەندامە نوێیەکە.
ئەم پرۆسەیە ئۆتۆماتیکی نییە و پێویستە بەڕێوەبەر گروپەکە بژاردەی (Share recent history) هەڵبژێرێت بۆ ئەوەی ئەندامی نوێ بیبینێ هەروەها وەتسئەپ هەموو ئەندامانی گرووپ ئاگادار دەکاتەوە کاتێک نامە کۆنەکان هاوبەش دەکرێن. ئەم تایبەتمەندییە لە ئێستادا تەنها بۆ وەشانی تاقیکاری (Beta) لەسەر ئایفۆن بەردەستە.