ئەنجومەنی نوێنەرانی عێراق، ئەمڕۆ یازدەهەمین دانیشتنی خۆی بە سەرۆکایەتی هەیبەت حەلبووسی و بە ئامادەبوونی فەرماندە ئەمنییەکان ئەنجامدا، تێیدا چەند بڕیار و ڕاسپاردەیەکی گرنگ دەرچوون.
گرنگترین خاڵەکانی ڕاگەیەندراوی پەرلەمان:
• پاراستنی سەروەری: پەرلەمان سەرجەم ئەو هێرشانەی سەر سەروەریی عێراق و پێگەی هێزە ئەمنییەکانی شەرمەزار کرد. هەروەها دووپاتی کردەوە کە نابێت خاک و ئاسمانی عێراق بۆ هێرشکردنە سەر وڵاتانی دراوسێ بەکاربهێنرێت.
• دوورخستنەوەی عێراق لە ململانێ: جەختکرایەوە کە ڕێگە نادرێت هیچ لایەنێک عێراق پەلکێشی ناو ململانێ هەرێمییەکان بکات.
• بلۆککردنی پلاتفۆرمە تێکدەرەکان: پەرلەمان “دەستەی ڕاگەیاندن و گەیاندن”ی پابەند کرد بە گرتنەبەری ڕێکاری یاسایی بۆ داخستن و بلۆککردنی هەر ماڵپەڕ و پلاتفۆرمێکی سۆشیاڵ میدیا کە پڕوپاگەندەی ژەهراوی و فیتنە بڵاو دەکەنەوە و هەڕەشە لە ئاسایشی وڵات دەکەن.
• لیژنەی لێکۆڵینەوە: بڕیاردرا بە پێکهێنانی لیژنەیەکی پەرلەمانی بۆ لێکۆڵینەوە لەو پێشێلکارییانەی کراونەتە سەر سەروەریی نیشتمانی و بە ئامانجگرتنی هێزە ئەمنییەکان.
• شایستە دەستوورییەکان: داوا لە لایەنە سیاسییەکان کرا بەرپرسیارێتی هەڵبگرن بۆ تەواوکردنی هەنگاوە دەستوورییەکان، لە سەروو هەموویانەوە هەڵبژاردنی سەرۆک کۆمار و پێکهێنانی حکومەتی یەکڕیزی نیشتمانی.
• پشتیوانی بۆ هاوپەیمانی بەڕێوەبردنی دەوڵەت: پەرلەمان پشتگیری تەواوی خۆی بۆ بەیاننامەی کۆبوونەوەی “هاوپەیمانی بەڕێوەبردنی دەوڵەت” ڕاگەیاند کە دوێنێ شەممە ٧ی ئازار دەرچوو بوو.
ئەمڕۆ پەرلەمان پەیامێکی توندی نارد؛ هەم بۆ دەرەوە (ڕەتکردنەوەی هێرشەکان) و هەم بۆ ناوخۆ (کۆنترۆڵکردنی سۆشیاڵ میدیا و تەواوکردنی حکومەت).