بەهۆی دیزاینکردنی کووپێکی قاوە لە ئێران زنجیرە قاوەخانەیەک داخرا و هۆکارەکەشی ئەوەیە گومان دەکرێت کووپە سووکایەتی بێت بە ڕێبەری باڵای ئێران.
بەهۆی ئەو دیزاینە گوماناوییەی زنجیرە قاوەخانەکانی لامیز لەسەر کووپەکانی کردبووی، لەلایەن هێزەکانی ئێرانەوە داخراون و لێکۆڵینەوە لەگەڵ خاوەنی قاوەخانەکە دەکرێت لەسەر ئەو کارەی کردوویەتی.
دەسەڵاتدارانی ئێران ئەم دیزاینەیان وەک ئاماژەیەک بۆ تیرۆرکردنی خامنەیی لە سەرەتای شەڕی ئەمەریکا و ئیسرائیل بۆ سەر ئێران و هەروەها نەبوونی کوڕەکەی و جێنشینی دیاریکراوی، موجتەبا خامنەیی، لە چاوی گشتییەوە لە دوای دەستبەکاربوونییەوە لێک دەداتەوە.
ئاژانسی هەواڵی تەسنیم و مێهر بڵاویان کردووەتەوە کە لقەکانی لامیز لە تاران بە فەرمانی دەزگای قەزایی داخراون.