حەفت رۆژ ل سەر ڤاكسينا قوتابيا ب ڤاكسينا دژى سۆركا تێكەەل دەربازبوون، د. زياد عەبدولئەحەد شەمعون رێڤەبەرێ ساخلەميا ناڤەندا قەزا دهوكێ و سەرپەرشتێ بەرنامێ ڤاكسينێ ل قوتابخانێن سەنتەرێ پارێزگەهێ دياركر كو ئەڤە بو ماوێ حەفت رۆژایە ڤاكسيندانا قوتابیێن باخچه و قوناغێن سەرەتایی ل سەنتەرێ قەزا دهوكێ بەردەوامه.
تیمێن ساخلەمیێ سەرەدانا نزيكێ 115 قوتابخانه و 21 باخچێن زارۆكا كرينه و 19854 كۆر و 19951 كچ تا نوكه هاتينه ڤاكسيندان و دێ يا بەردەوامبيت تا رۆژا سێشەمبا بهێت.
هەروەسا دياركر کۆ سوپاسيا كارگێريا هەر دوو پەروەردێن رۆژهەلات و رۆژئاڤایێ دهۆکێ و رێڤەبەرێن قوتابخانێن سەر ب وان ڤه كر ژ بو هاريكاريا وان و ئاسانكرنا كاری، هەر وەسا دەستخۆشى ل ستافێ ڤاكسينێ كر ژ بو مانديبوونا وان و سوپاسيا دەيک و بابێن قوتابیێن خۆشتڤى كر ژبۆ تێگەهشتنا وان ب مفاێین ڤاكسيندانا زارۆكێن وان.
داخواز ژ دەيک و بابێن وان قوتابيا كر یێن كو تا نوكه زارووكێن وان نەهاتينه ڤاكسيندان ب زيترين دەم ڤاكسين ب دەن ب رێكا تيمێن مه ل باخچه و قوتابخانان.