وەزیری گەنجینەی ئەمریکا ڕایگەیاند، واشنتن هیچ مەیلی نییە بۆ درێژکردنەوەی ئەو لێخۆشبوونانەی کە ڕێگە بە بازرگانییەکی سنوورداری نەوتی ئێران و ڕووسیا دەدەن لە ژێر سێبەری سزاکاندا.
سکۆت بێسێنت وەزیری گەنجینەی ئەمریکا لە چاوپێکەوتنێکدا لەگەڵ ئاژانسی Associated Press ، ئاماژەی بەوە کرد کە ئەو بەدەرکردن و لێخۆشبوونانەی پێشتر بۆ کڕینی بڕێکی دیاریکراوی نەوت بەکاردەهێنران، چیتر بەردەوام نابن و کاریان پێ ناکرێت.
ئەم بڕیارە وەک ئاماژەیەک بۆ توندترکردنی گەمارۆ ئابوورییەکانی سەر تاران و مۆسکۆ لەلایەن ئیدارەی نوێی ئەمریکاوە دەبینرێت.