لە کۆنگرەیەکی ڕۆژنامەوانیدا پێش یاری یانەکەی بەرامبەر پاریس سانجێرمان،ڤێنسێت کۆمپانی ڕاهێنەری یانەی بایرن میونخ هاتە بەردەمی میدیاکان و وەڵام چەند پرسیارێکی دایەوە،ڕایگەیاند هەموومان خەون بۆ بەدەستهێـنانی چامپیۆنزلیگ دەبینین.
کۆمپانی دەربارەی ئێنریکی و پاریس سانجێرمان وتی: ئەوان هەمیشە کاری ناوازە دەکەن،تیپێکی گەنجن و خاوەنی ڕۆحیەتێکی بە کۆمەڵن،بردنەوەی چامپیۆنزلیگی وەرزی ڕابردوو لەلایەن ئەوانەوە سەلماندی خاوەنی هێزێکی گەورەن،ئەوان وەکو زریانێک دێن.
دەربارەی ئاستی تیپەکەی کۆمپانی وتی: بێگومان هەموومان خەون بە بردنەوەی نازناوی چامپیۆنزلیگەوە دەبینین،ئێمە ئێستە لە کاتێکی سەختین،بەڵام دەتوانین ڕێگە لە ڕکابەرەکانمان بگرین و بگەینە ئامانجەکەمان.
ڕاهێنەرەکەی بایرن دەربارەی ئۆلیسی و کەین وتی:کەین تەنها هێرشبەرێک نییە،ئەو داینەمۆی تیپەکەمانە،ئەوەی ئەو کردوێتی لەڕابردوودا باوەڕ پێنەکراوە،ئۆلیسیش سەرەڕای کەم ئەزموونی،بەڵام هەمیشە ئاستێکی بەرز پێشکەش دەکات،هەندێک کات دی برۆین لە ئەودا دەبینم.
“سەرکار ڕێبوار”