ڕۆژنامەنووسی بەناوبانگی ئیسپانی میگێل سێرامۆ لە نوێترین هەواڵدا ئاشکرای کرد لەنێو ژووری جل گۆڕینی ڕیاڵ مەدرید کێشە و ئاڵۆزی توند دروست بووە لەنێوان دوو یاریزان،کە تەنانەت گەیشتۆتە لێدان و ڕووبەڕوو بوونەوەی توند.
بەگوێرەی قسەی سێرامۆ بێت شەڕەکە لەنێوان ڕۆدیگێر و کارێراس بووە،لەکاتی مشتومڕ و دەمەقاڵێیەکی توند کەوتوونەتە گیانی یەکتری و ڕۆدیگێر بۆکسێکی کێشاوە بە ڕوخساری کارێراس،کە لەو کاتەدا یاریزانانی هاوڕێیان هاتوونەتە نێوانیان دەنا شەڕەکە تەشەنەی زیاتری بەخۆوە دەبینی.
ئەم بابەتە تازە نییە لەنێو ڕیاڵ مەدرید،چونکە یانەکە ئەمساڵ بەدەست ناڕێکی ژووری جل گۆڕینەوە دەناڵێـنێت و یانەکە بێ کەسایەتیە بۆ ڕاگرتنی ئەستێرەکانی،کە هەر ئەمەش وای کردوە ڕیاڵ مەدرید ئەم وەرزە ئاستی خراپ بێت.
“سەرکار ڕێبوار”