دۆناڵد ترەمپ، سەرۆکی ئەمریکا، ڕۆژی دووشەممە جەختی لەوە کردەوە کە پێویستە ئیسرائیل و ئێران دەستبەجێ هێرشەکانیان بۆ سەر یەکتر ڕابگرن. ئەم داوایەی ترەمپ دوای ئەوە هات کە هەردوو وڵات، بۆ یەکەمجار لە دوای ڕاگەیاندنی ئاگربەستی دوو مانگ لەمەوبەر، بۆردومانی یەکتریان کردەوە.
ترەمپ لە ڕێگەی هەژماری فەرمی خۆی لە تۆڕی کۆمەڵایەتی “ترووس سۆشیاڵ” ڕایگەیاند: “پێویستە ئیسرائیل و ئێران دەستبەجێ هێرشەکان ڕابگرن.
سەرۆکی ئەمریکا لە بڵاوکراوەیەکی دیکەدا ئاماژەی بەوە کرد کە هەردوو لایەنی ئیسرائیلی و ئێرانی خوازیاری گەیشتنن بە ئاگربەستێکی دەستبەجێ، و ڕایگەیاند کە دانوستانە کۆتاییەکانی تایبەت بە ئاشتی لە ئارادان.
ترەمپ نووسیویەتی: “هەردوو لایەن، ئیسرائیل و ئێران، چاوەڕوانی ئاگربەستێکی دەستبەجێن! دانوستانە کۆتاییەکانی تایبەت بە ‘ئاشتی’ بەردەوامن، مەگەر بەهۆی نەفامیی سیاسی یان سەرکێشییەوە تێکبچن.
هەروەها گەمارۆکانیش بە تەواوی هێز و کاریگەریی خۆیانەوە بەردەوام دەبن تا ئەو کاتەی دەگەینە ‘ڕێککەوتنی کۆتایی’. پێویستە کارەکان بە خێرایی بەڕێوەبچن.