ئەمڕۆ چوارشەممە، 10ـی حوزەیرانی 2026، بازاڕەکانی کانزا گرانبەهاکان نزمبوونەوەیەکی زۆر توند و بەرچاویان بەخۆوە بینی؛ نرخی زێڕ و زیو لەسەر ئاستی جیهانی و بازاڕەکانی ناوخۆدا بە ڕێژەیەکی خێرا هاتوونەتە خوارەوە و بەشێکی زۆر لە بەهاکەیان لەدەستداوە.
لە بازاڕە جیهانییەکاندا، نرخی یەک ئۆنسە زێڕ دابەزینی توندی بەخۆوە بینی و هاتووەتە خوارەوە بۆ 4,173.94 دۆلار، یەک کیلۆگرام بە 134,195.45 دۆلار و یەک گرامیش بە 134.2 دۆلار مامەڵەی پێوە دەکرێت.
هاوکات لە بازاڕەکانی ناوخۆشدا و بەپێی نرخی فەرمی سەندیکای زێڕنگران، عەیارەکان نزمبوونەوەی پێوانەیی تریان تۆمارکرد و بەم شێوەیە جێگیر بوون؛ عەیارەی ٢٢ بە 949,094 دینار، عەیارەی ٢١ بە 905,953 دینار و عەیارەی ١٨ بە 776,531 دینار مامەڵەی پێوە دەکرێت.
لەلایەکی دیکەوە، بازاڕی زیویش هاوشێوەی زێڕ ڕووی لە دابەزینێکی خێرا و بەرچاو کرد، بە جۆرێک لە ئێستادا نرخی هەر ئۆنسەیەک زیو دابەزیوە بۆ 63.63 دۆلار، هەر کیلۆگرامێک بە 2,045.75 دۆلار مامەڵەی پێوە دەکرێت و نرخی هەر گرامێکیش لەسەر 2.05 دۆلار جێگیر بووە.
شارەزایانی دارایی ئاماژە بەوە دەکەن کە بازاڕەکان بە توندی کاریگەرن بە پێشهاتە سیاسی و لێدوانە نێودەوڵەتییەکانی دوێنێ، ئەمەش وایکردووە کە دڵڕاوکێی وەبەرهێنەران کەمێک هێور بێتەوە و جۆرێک لە ڕووبەروبوونەوەی خێرا لە نێوان هێزی کڕین و فرۆشتندا دروست ببێت، کە دواجار فشاری گەورەی خستووەتە سەر بەهای کانزا گرانبەهاکان لە بۆرسەی جیهانیدا.