خۆسێ مۆرینیۆی ڕاهێنەری نوێی ڕیاڵ مەدرید، پێش دەستپێکردنی مەشقەکانی یانەکە، پڕۆژەیەکی توندی بۆ گۆڕینی عەقڵییەتی پێکهاتەی شاهانەکان داڕشتووە و ئامانجی سەرەکی هێنانی ئەستێرەی نوێیە بۆ سانتیاگۆ بێرنابیۆ.
دوای ئەوەی یانەکە گرێبەستی یاریزانانی وەک بێرناردۆ سیلڤا، کۆناتی، دۆمفرێس و کوکورێیای یەکلاکردەوە کە بارگرانییەکی دارایی زۆریان لەسەر ریاڵ مەدرید دروستکردووە، مۆرینیۆ ئێستا داوای گواستنەوەی ناوەڕاستکارێکی کوالێتی بەرزی بە شێوازی بۆکس تۆ بۆکس دەکات و ئینزۆ فێرناندێزی ئەستێرەی چێڵسی لە پلەی یەکەمی لیستەکەیدایە.
بەگوێرەی میدیا ئیسپانییەکان، کارگێڕی مێرنگێ بۆ دابینکردنی بودجەی ئەم گرێبەستە و چۆڵکردنی شوێن لە پێکهاتەکەدا، بڕیاری داوە دەستبەرداری ئەستێرەیەکی گەورەی هێڵی ناوەڕاست ببێت.
لە نێوان چوامینی و کاماڤینگادا، دۆخی کاماڤینگا زیاتر لە مەترسیدایە، چونکە لەم وەرزەدا تەنیا لە سەدا ٤٣ی یارییەکاندا بەشدار بووە و یانەکانی پاریس و چەند یانەیەکی ئینگلیزیش ئارەزووی گواستنەوەی دەکەن، هاوکات فرۆشتنی فیدی ڤاڵڤێردیش بەهۆی کێشەکانی ئەم دواییەوە وەک ئەگەرێکی کراوە لە بەردەم کارگێڕی یانەکەدا ماوەتەوە.