ستارتئەپەکانی بواری ژیریی دەستکرد لە کیشوەری ئاسیا هەنگاوێکی خێرا و گەورەیان ناوە بۆ پڕکردنەوەی ئەو بۆشاییە تەکنەلۆژییەی کە بەهۆی بەردەوامیی قەدەغەکردنی هەناردەکردنی بەرهەمەکانی کۆمپانیای ئەنسرۆپیکەوە دروستبووە و زنجیرەیەک مۆدێلی پێشکەوتووی هاوشێوەی مۆدێلی ناسراوی Mythos یان ڕاگەیاندووە بەپێی ڕاپۆرتێکی نوێی پێگەی تێک کڕانچ ئەم قەدەغەکردنە درێژخایەنەی ئەمریکا وایکردووە کە کۆمپانیا ناوخۆییەکانی ئاسیا پشت بە تواناکانی خۆیان ببەستن و پەرە بە سیستمی بەهێز بدەن کە بتوانن کێبڕکێی پلاتفۆرمە جیهانییەکان بکەن.
ئەم مۆدێلە نوێیانەی ئاسیا کە لەسەر بنەمای کلتور و زمانە جیاوازەکانی ناوچەکە پەرەیان پێدراوە توانایەکی بەرز لە شیکردنەوەی داتا ئاڵۆزەکان و تێگەیشتنی زمانەوانی نیشان دەدەن و بوونەتە جێگرەوەیەکی بەهێز بۆ ئەو کۆمپانیا و دامەزراوانەی کە پێشتر پشتیان بە تەکنەلۆژیای دەرەکی دەبەست بەپێی شیکردنەوەی شارەزایان ئەم دۆخە نەخوازراوە بووەتە هۆی ئەوەی کە بازاڕی ژیریی دەستکرد لە ئاسیادا گەشەکردنێکی سەربەخۆ و خێرا بەخۆیەوە ببینێت و پشتبەستن بە کۆمپانیا تەکنەلۆژییەکانی ڕۆژاوا لە ناوچەکەدا بە شێوەیەکی بەرچاو کەم ببێتەوە ئەمەش نەخشەی کێبڕکێی جیهانی لە بواری تەکنەلۆژیای پێشکەوتوودا بە تەواوی دەگۆڕێت