ئاهەنگی گۆرانیبێژی میسری محەممەد ڕەمەزان لە ناوچەی ساحلی باکوور لە میسر، تووشی پشێوی و ئاڵۆزی بووەوە. ئەم ڕووداوە دوای ئەوە هات کە کێچەڵی سێکسی و بێزارکردنی کچان لەنێو ئامادەبوواندا ڕوویاندا و بووە هۆی وەستاندنی ئاهەنگەکە.
محەممەد ڕەمەزان لەسەر شانۆی پۆرتۆ گۆڵف گۆرانی پێشکەش بە هەوادارانی دەکرد، بەڵام دۆخەکە بە خێرایی گۆڕا. هونەرمەندەکە ڕاستەوخۆ داوای لە هێزەکانی ئاسایش کرد کە کچەکان بپارێزن و ئارامی بگەڕێننەوە.
ڕەمەزان ئاماژەی بۆ ئەوە کرد، پاڵپشتی ئامادەبووان هۆکاری سەرەکییە بۆ تێپەڕاندنی ئالنگارییە جیاوازەکانی ژیانی هونەری.
دوای کۆتایی هاتنی چالاکییەکە، ڕەمەزان لە تۆڕە کۆمەڵایەتییەکان پەیامێکی بڵاوکردەوە و تێیدا ڕایگەیاند، داوا لە هەموو گەنجێک دەکات ئاگاداری ئاسایشی کچان بێت.
ئەم ڕووداوە کاردانەوەی زۆری لە میدیاکاندا بەدوای خۆیدا هێنا.