نرخی زێڕ و زیو نزمترین ئاستی تۆمارکردەوە

​ئەمڕۆ چوارشەممە، 1ـی تەممووزی 2026، بازاڕەکانی کانزا گرانبەهاکان بەردەوامییان بە ئاڕاستە دابەزیوەکەی چەند ڕۆژی ڕابردوو دا و نرخەکان لەسەر ئاستی جیهانی و بازاڕەکانی ناوخۆدا نزمبوونەوەی زیاتریان بەخۆوە بینی.
​لە بازاڕە جیهانییەکاندا، نرخی یەک ئۆنسە زێڕ دابەزی بۆ 3,974.32 دۆلار، یەک کیلۆگرام هاتە خوارەوە بۆ 127,777.19 دۆلار و یەک گرامیش بە 127.78 دۆلار مامەڵەی پێوە دەکرێت.
​هاوکات لە بازاڕەکانی ناوخۆشدا و بەپێی نوێترین نرخەکانی سەندیکای زێڕنگران، بەهای عەیارەکان زیاتر پاشەکشەیان کرد؛ عەیارەی 22 نزمبووەوە بۆ 918,275 دینار، عەیارەی 21 دابەزی بۆ 876,535 دینار و عەیارەی 18ـیش گەیشتە 751,316 دینار.
​لەلایەکی دیکەوە، بازاڕی زیویش هاوشێوەی زێڕ لەژێر فشاری دابەزیندایە، بە جۆرێک لە ئێستادا نرخی هەر ئۆنسەیەک زیو هاتووەتە خوارەوە بۆ 57.51 دۆلار، هەر کیلۆگرامێک بە 1,849.12 دۆلار مامەڵەی پێوە دەکرێت و نرخی هەر گرامێکیش لەسەر 1.85 دۆلار جێگیر بووە.
​بۆ هۆکاری ئەم دۆخەش، شروڤەکارانی دارایی دەڵێن، بەرزبوونەوەی سوودی سەر قەواڵە داراییەکانی گەنجینەی ئەمریکا و نیگەرانییەکان لەسەر ئەگەری شکستهێنانی ڕێککەوتنی ئاشتی نێوان ئەمریکا و ئێران، گوشارەکانیان بۆ سەر نرخی زێڕ زیاد کردووە و وەبەرهێنەرانیان ڕووبەڕووی دڵەڕاوکێ کردووەتەوە.