لەگەڵ بەردەوامیی گرژییەکانی رۆژهەڵاتی ناوەڕاست و توندبوونی لێدوانە سیاسییەکان، نرخی نەوت لە بازاڕەکانی جیهاندا بەرزبوونەوەیەکی نوێی تۆمارکرد و نرخی نەوتی خاوی ئەمریکی لە 115 دۆلار نزیکبووەوە.
رۆژی دووشەممە، 6ی نیسانی 2026، نرخی بەرمیلێک نەوتی برێنت، نزیکەی 2٪ بەرزبووەوە و گەیشتە 110.91 دۆلار و نرخی بەرمیلێک نەوتی خاوی ئەمریکیش گەیشتە 114.16 دۆلار.
لە دوای هەڕەشەکەی ترەمپ، نرخی بەرمیلێک نەوتی برێنت 1.72٪ بەرزبووەتەوە و گەیشتووەتە 110.91 دۆلار و نرخی بەرمیلێک نەوتی خاوی ئەمریکیش 2٪ بەرزبووەتەوە و گەیشتووەتە 114.16 دۆلار.
جەنگی ئێران و ئەمریکا لە هەفتەی شەشەمییەوە بەردەوامە و لە دووەم رۆژی جەنگەکەشەوە تەنگەی هورمز داخراوە. پێش جەنگ رۆژانە سەروو 100 کەشتی گوێزەرەوەی نەوت، گاز و شمەک بە تەنگەکەدا تێدەپەڕین، بەڵام ئێستا بە گوێرەی سندوقی نێودەوڵەتی دراو، رۆژانە بە تێکڕا هەشت کەشتی بەو تەنگەدا تێدەپەڕن.
بەر لە 28ی شوبات نرخی بەرمیلێک نەوت بە 72 دۆلار بوو، بەڵام بەهۆی کاریگەرییەکانی جەنگەکەوە نرخی بەرمیلێک نەوت تاوەکو نزیکەی 120 دۆلار بەرز بووەوە.