وەزارەتی گواستنەوەی عێراق، ئەمڕۆ دووشەممە، دەستپێکردنەوەی گەشتی فڕۆکەکانی کۆمپانیای هێڵی ئاسمانیی عێراقی ڕاگەیاند.
لە بەیاننامەیەکی وەزارەتەکەدا هاتووە کە دوای دووبارە کردنەوەی جووڵەی ئاسمانیی عێراق، گەشتە ئاسمانییەکان بەپێی خشتە ڕێکخراوەکان دەستیان پێکردووەتەوە.
پێشتر دەسەڵاتی فڕۆکەوانیی سڤیلی عێراقی ڕایگەیاندبوو کە ئاسمانی وڵات بە ڕووی گەشتە ئاسمانییەکاندا لە سەرجەم فڕۆکەخانەکانی عێراق کراوەتەوە و جووڵەی ئاسمانی بەپێی ڕێکارە فەرمییەکان ئاسایی بووەتەوە.