یەکێتیی ئەورووپا لە نوێترین بڕیاریدا بۆ پاراستنی ستانداردەکانی سەلامەتیی فڕۆکەوانی، قەدەغەکردنی فڕینی “هێڵی ئاسمانیی عێراقی” و “فلای بەغداد”ی بۆ وڵاتانی ئەورووپا درێژکردەوە.
بەپێی ئەو لیستەی کە لە ٩ی حوزەیرانەوە کەوتووەتە بواری جێبەجێکردنەوە، ئەم دوو کۆمپانیایە بەهۆی نەبوونی مەرجە تەکنیکییەکان و کەموکوڕیی لە سیستەمی چاودێریی سەلامەتیدا، هێشتا لە “لیستی رەش”ی ئەورووپادان.
جێی ئاماژەیە، قەدەغەکردنەکە چەند هێڵێکی دیکەی ناوچەکەی وەک “ئێران ئاسمان” و “ئێر ئێکسپرێس”ی جەزائیری و سەرجەم کۆمپانیاکانی لیبیا، سوودان و جیبوتیشی گرتووەتەوە.