بەڕێوەبەرایەتی گشتی کەشناسی و بوومەلەرزەزانی هەرێم پێشبینییەکانی کەشوهەوای بۆ ڕۆژی سێشەممە 22ی ئەیلوولی 2026 ڕاگەیاند. بەپێی ڕاپۆرتەکە، ئاسمانی ناوچە جیاجیاکانی هەرێم ساماڵ و پەڵەهەور دەبێت، هاوکات ئەگەری بەرزبوونەوەی تۆز و خۆڵێکی سووک لە هەندێک ناوچەدا هەیە.
سەبارەت بە بارودۆخی با و مەودای بینین، کەشناسی ئاماژەی بەوە کردووە کە خێرایی با لەسەرخۆ بۆ مامناوەند دەبێت و لە نێوان 5 بۆ 15 کیلۆمەتر لە کاتژمێرێکدا چالاک دەبێت، ئاراستەکەشی بەرەو باشووری خۆرهەڵات دەبێت. بەهۆی تۆزە سووکەکەشەوە، مەودای بینین لە نێوان 6 بۆ 8 کیلۆمەتردا جێگیر دەبێت.
پێشبینی دەکرێت پلەکانی گەرما بەراورد بە تۆمارەکانی پێشوو، بە 1 بۆ 3 پلە بەرزبوونەوە بەخۆیانەوە ببینن.
بەرزترین پلەکانی گەرمای پێشبینیکراو بۆ شار و ناوچەکانی هەرێم بەم شێوەیەیە:
-
- هەولێر، هەڵەبجە، چەمچەماڵ: 37 پلەی سیلیزی
- دهۆک، زاخۆ: 36 پلەی سیلیزی
- سلێمانی، ئاکرێ، سۆران: 35 پلەی سیلیزی
- گەرمیان: 40 پلەی سیلیزی (بەرزترین پلە)
- پیرمام: 33 پلەی سیلیزی
- حاجی ئۆمەران: 28 پلەی سیلیزی (نزمترین پلە)