هاتنەوەی جەژنی هەڵسانەوەی حەزرەتی مەسیح بە دەرفەت دەزانین كە پیرۆزباییەكی گەرم لە برایانی كریستیان بكەین، بە هیواین جەژنی خۆشی و شادی و ئاشتەوایی و ئارامی بێت بۆ ئەوان و بۆ هەموو مرۆڤایەتی.
ژیان و ڕێنماییەكانی حەزرەتی مەسیح (س) هەردەم چرایەكی گەش و درەوشاوەن، ڕێی ژیانی مرۆڤایەتی ڕۆشن دەكەنەوە. لە كوردستاندا كریستیان پێكهاتەیەكی ڕەسەن و بنیاتنەری ئاشتی و ئاوەدانین، هاوتەریب كوردستان هەردەم لانەی پێكەوە ژیان و لێبوردەیی و ئاشتی و ئاوەدانی بووە.
جەژنی هەڵسانەوەی حەزرەتی مەسیح(سڵاوی خوای لێبێت) لە تێكڕای كریستیانی كوردستان و عیراق و جیهان بە شادی و خۆشییەوە پیرۆز بێت.