سبەی 14ی نیسانی 2026، 38 ساڵ بەسەر جینۆسایدی گەلی کوردستاندا تێدەپەڕێت، قایمقامی قەزای چەمچەماڵیش دەلێتن هیچ مەراسیمێکی گەورە ئەنجام نادرێت.
ئاسۆ بەکر، قایمقامی قەزای چەمچەماڵ، بە ئاژانسی هەواڵی زاگرۆسی ڕایگەیاند: لەپێناو پاراستنی گیانی کەسوکاری ئەنفالکراوان، سەرەڕای تەواوبوونی ئامادەکارییەکان بۆ ئەنجامدانی مەراسیمێکی شایستە، بەڵام بەهۆی دۆخی جیهان و ناوچەکە بڕیار دراوە کە یادی 38 ساڵەی جینۆسایدی گەلی کوردستان، تەنها بە دانانی تاجەگوڵینە لەسەر مەزاری ئەنفالکراوان بەڕێوە بچێت و هیچ مەراسیمێکی گەورە ئەنجام نادرێت.
هەروەها ئاسۆ بەکر، قایمقامی قەزای چەمچەماڵ ئەوەشی بۆ ئاژانسی هەواڵی زاگرۆس خستەروو، کە داوای لە حکومەتی فیدراڵ کرد خواستەکانی کەسوکاری ئەنفالکراوان جێبەجێ بکات و بە نێودەوڵەتیکردنی ناساندنی کارەساتەکە و خزمەتکردنی زیاتری کەسوکاریانە.
رێباز یونس