ئهڤرۆ ڕۆژا دووشهمبی 18ێ گۆلانا 2026ێ ل دهڤهرداریا ئاكرێ ب ئامادهبوونا د.عهلی تهتهر، پارێزگارێ دهۆكێ، د چارچۆڤێ پشتهڤانیا حكومهتا ههرێما كوردستانێ و گرنگیدان ب پێشڤهبرنا پڕۆژێن كهرتێ تایبەت، د ڕێوڕەسمهكێدا نڤیسینگەها پڕۆژەیێ نیشتەجێبوونا نیو ئاکرێ ل دەڤەردارییا ئاکرێ هاته ڤهكرن.
پڕۆژە پێكدهێت ژ 200 یهكهیێن ئاكنجیبونێ و ئاڤاهیێن بازرگانی، سوپەرمارکیت، سەمونخانە، خارنگە و کافیتریا، باغچێ زاروکا، پارکێن ڕاوەستانا ترومبێلا، باغچە و کەسکاتی.
پارێزگارێ دهۆكێ د پهیڤهكێدا دووپاتی لسەر پشتهڤانیا حكومهتا ههرێما كوردستانێ بوو پڕۆژێن د بوارێن جۆدادا یێن كهرتێ تایبهت كر و گوت، جهێ خۆشحالییه ئهڤ پڕۆژه دێ ئاڤهدانی و جوانیهكا تایبهت دهته باژارێ ئاكرێ زێدەباری وێ چهندێ كۆ دهڤهرا ئاكرێ ب سرۆشتێ خۆ و دابونهریت و كلتورێ خۆ دهڤهرهكا جوان و پێشكهفتیه و پیرۆزباهی ل وهبهرهێنهرێن پڕۆژهی كر و داخواز ژ ههموو وهبهرهێنهران كر کۆ بڕێكا پڕۆژهیێن خۆ بهردهوامیێ ب ئاڤادنییا باژارێن خۆ بدهن پشترە گهریانهك بۆ ناڤ یهكهیێن ئاكنجیبونێ یێن پرۆژهی هاته ئهنجامدان.