کۆمپانیای ئەپڵ لە هەنگاوێکی نوێدا بۆ بەهێزکردنی پاراستنی زانیارییەکان کار لەسەر نوێکردنەوەی یاریدەدەرە دەنگییەکەی سیری دەکات بە شێوەیەک کە تایبەتمەندی سڕینەوەی ئۆتۆماتیکیی چات و گفتوگۆکانی تێدا بێت بەپێی ڕاپۆرتێکی ماڵپەڕی تێک کەرەنچ ئەم نوێکارییە بەشێکە لە پڕۆژەی ئەپڵ ئینتێڵێجنس و ئامانجی ئەوەیە سیری زیرەکتر بێت و لە هەمان کاتدا متمانەی بەکارهێنەران زیاد بکات لە ڕێگەی کەمکردنەوەی کۆکردنەوەی داتا شەخسییەکان چونکە بەکارهێنەر دەتوانێت کاتێکی دیاریکراو دابنێت بۆ ئەوەی گفتوگۆکان بەیەکجاری لەناو بچن و نەمێنن ئەم گۆڕانکارییە گەورانە لەگەڵ وەشانی نوێی سیستەمی ئای ئۆ ئێس بەردەست دەبن و توانایەکی زۆرتر دەدەن بە سیری بۆ تێگەیشتن لە داواکارییە ئاڵۆزەکان و جێبەجێکردنی فرمانەکان لەناو ئەپڵیکەیشنە جیاوازەکاندا بە شێوەیەکی پارێزراوتر لە پێشوو