ئەمڕۆ چوارشەممە، 12ـی ئابی 2026، وەزارەتی پەروەردەی عێراق ڕایگەیاند، ملیۆنێک و 200 هەزار قوتابی بۆ ساڵی نوێی خوێندن دەچنە پۆلی یەکەمی سەرەتایی.
گوتەبێژی وەزارەتی پەروەردە، کەریم سەید، لە ڕاگەیەندراوێکدائاشکرای کرد، ” بەپێی ئامارەکان بۆ ساڵی خوێندنی (2026-2027)، کە لە 20ی ئەیلوولی داهاتوو دەستپێدەکات، نزیکەی ملیۆنێک و 200 هەزار قوتابی دەچنە پۆلی یەکەمی سەرەتایی، کە ئەوانەش لەدایکبووانی ساڵی 2020 و مانگی کانوونی دووەمی 2021ـن، ئەم ژمارەیەش نزیکە لە ساڵی خوێندنی ڕابردوو.”
هەروەها ئاماژەی بەوەش کرد، “ئەم ئامارە یەکێکە لە بەرزترین ژمارەکانی تۆمارکراوی چوونە ناوەندەکانی خوێندن لە مێژووی کۆماری عێراقدا لە ساڵانی ڕابردوودا.”