مەکتەبی سیاسیی پارتی دیموکراتی کوردستان، بەبۆنەی کۆچی دوایی نووسەر و ئەکادیمیستی ناسراو، خوالێخۆشبوو (د. عەبدولفەتاح بۆتانی)، پرسەنامەیەکی ئاراستەی بنەماڵە و کەسوکاری کۆچکردوو و سەرجەم نووسەرانی کوردستان کرد.
لە پرسەنامەکەی مەکتەبی سیاسیی پارتیدا هاتووە: “بە نیگەرانییەکی زۆرەوە هەواڵی کۆچی دوایی مامۆستا و نووسەر و سەرۆکی پێشووی ئەکادیمیای کوردی، خوالێخۆشبوو (د. عەبدولفەتاح بۆتانی)مان پێگەیشت. بەم بۆنە خەمناکەوە، پرسە و سەرەخۆشی خۆمان ئاراستەی ئێوەی بەڕێز و کەسوکار و بنەماڵەکەتان و سەرجەم نووسەران دەکەین و خۆمان بە هاوبەشی خەمتان دەزانین.”
مەکتەبی سیاسیی پارتی هیوای خواستووە کە هاوخەمیی ئەدیبان، نووسەران، دۆست و هاوەڵانی کۆچکردوو ببێتە مایەی سەبووری و ئارامگرتنی بنەماڵەکەی و لە خەم و پەژارەیان کەم بکاتەوە.
دکتۆر عەبدولفەتاح بۆتانی، یەکێک بوو لە نووسەر و مێژوونووسە دیارەکانی کوردستان و بۆ ماوەی چەندین ساڵ سەرۆکایەتی ئەکادیمیای کوردی کردووە و خاوەنی چەندین بەرهەمی زانستی و مێژوویی بەنرخە.
مەکتەبی سیاسیی پارتی دیموکراتی کوردستان
١ـی ئەیلوولی ٢٠٢٦