بە سەرپەرشتیی نێچیرڤان بارزانی، سەرۆکی هەرێمی کوردستان و فەرماندەی گشتیی هێزی پێشمەرگە، ڕێوڕەسمی فەرمیی ڕاگەیاندنی یەکخستنی هێزی پێشمەرگەی کوردستان بەڕێوەدەچێت.
بەڕێوەچوونی ئەم ڕێوڕەسمە لە چوارچێوەی هەوڵە بەردەوامەکانی چاکسازی و ڕێکخستنەوەی کەرتی سەربازییە لە هەرێمی کوردستان، کە ئامانج لێی کۆکردنەوە و یەکخستنی تەواوی هێزەکانە لەژێر چەتری دامەزراوەیی وەزارەتی کاروباری پێشمەرگەدا، بە هەماهەنگی و هاوکاریی هاوپەیمانیی نێودەوڵەتی.
پرۆسەی یەکخستنی هێزی پێشمەرگە و بەنیشتمانیکردنیان، بە یەکێک لە گرنگترین هەنگاوە ستراتیژییەکانی سەرۆکایەتیی هەرێمی کوردستان و حکوومەت دادەنرێت بۆ بنیادنانی سوپایەکی سەردەمییانە، نیشتمانی و یەکگرتوو لە هەرێمی کوردستاندا.
