لە ڕاگەیەندراوێکی هاوبەشدا ٤٠ وڵاتی ئەندام لە کۆمەڵەی گشتی نەتەوەیەکگرتووەکان پاڵپشتی خۆیان بۆ هێزی ئاشتیپارێزی سەر بەنەتەوەیەکگرتووەکان لە سنووری لوبنان و ئیسرائیل دەربڕی و داوایان لە ئیسرائیل کرد ئەو هێزانە بپارێزێت.
ئەم ٤٠ دەوڵەتە نیگەرانیی قوڵی خۆیان سەبارەت بە هێرشکردنە سەر کارمەندانی نەتەوەیەکگرتووەکان لە سنووری لوبنان دەربڕی و جەختیان لەوەکردەوە؛ پێویستە ئاسایشیان پارێزراوبێت.
ئەمە لەکاتێکدایە؛ بەهۆی هێرشی ئیسرائیلەوە بۆسەر باشووری لوبنان، لەماوەی دوو رۆژی رابردوو دوو سەربازی هێرشی ئاشتیپارێزی سەر بەنەتەوەیەکگرتووەکان برینداربوون.