لە پاش دەستپێکردنی هێرشێکی سەربازی فراوانی نوێ لە لایەن سوپای ئیسرائیلەوە لە کەرگەی غەززە، ئەنتۆنیۆ کاستا، سەرۆکی ئەنجوومەنی ئەورووپا، داوای “کۆتاییهاتنی خێرای توندوتیژییەکان و کۆتاییهاتن بە دەوربەستنی غەززە” کرد.
کاستا لە پەیامێکدا لە تۆڕی کۆمەڵایەتی ئێکس (تویتەری پێشوو) نووسی کە: “لە هەواڵەکانی رۆژانەی غەززە شۆک بووم؛ هاووڵاتییەکان برسیین، نەخۆشخانەکان جارێکی دیکە کراونەتە ئامانج. توندوتیژی دەبێت بوەستێت!”
ئەو داوای لە حکوومەتی ئیسرائیل کرد کە “خێرا دەوربەستنی [غەززە] کۆتایی پێبهێنێت و رێگە بدات کە یارمەتییە مرۆییەکان بە شێوەیەکی خێرا، سەلامەت و بێ کەرگە بگەن.”
سەرۆکی ئەنجوومەنی ئەورووپا بە ئاماژەدان بە سەختی قەیرانی مرۆیی لە غەززە، کردەوەکانی ئیسرائیل بە توندی سەرکۆنە کرد و دۆخی غەززەی بە “کارەساتی مرۆیی” ناو برد. بە گوتی ئەو، مافە نێودەوڵەتییەکان لە غەززە بە شێوەیەکی سیستمیک پێشێل دەکرێن.
هەروەها ئەو جەختی لە پێویستی دەستپێکردنی ئاگربەستێکی بەردەوام و ئازادکردنی بێ مەرجی تەواوی دیلەکان کرد.
ئەم لێدوانانە پاش ئەوە هات سوپای ئیسرائیل شەوی رابردوو راگەیاند هێرشێکی سەربازی گەورەی دیکەی دژی هێزەکانی حەماس لە غەززە دەستپێکردووە.