پارێزگاری دهۆک بەردی بناغەی بۆ سێ پڕۆژەی گرنگی خزمەتگوزاری لە سنووری قەزای شێخان دانا، کە ئامانج لێیان پەرەپێدانی ژێرخانی ناوچەکەیە لە سێکتەرەکانی ڕێگاوبان و کارەبادا.
پڕۆژەکان پێکهاتوون لە:
قۆناغی یەکەمی ڕێگای پیربۆب بۆ گوندی سێلکا.
نۆژەنکردنەوە و دروستکردنی ڕێگای دووڕیانی خنس و مرێبا.
ڕاکێشانی هێڵی ١٣٢ کەی ڤی (KV-132) بۆ کارەبا.
جێبەجێکردنی ئەم پڕۆژانە لە چوارچێوەی هەوڵە بەردەوامەکانی حکومەتی هەرێمی کوردستانە بۆ گەیاندنی خزمەتگوزاریی زیاتر بۆ سەرجەم گوند و ناوچەکانی هەرێمی کوردستان.