بۆ وەرزی نوێ یانەی مۆناکۆ یەکەی مەشق و ڕاهێنانی ڕێکخست بوو،بەڵام لەکاتی ئامادەکارییەکانی ئەمڕۆی پۆڵ پۆگبای ئەستێرەی تیپەکەی بەپێکانەوە لەهاوڕێکانی دوورکەوتەوە و گەیەندرایە نەخۆشخانە بەمەبەستی ئەنجامدانی پشکنینی پزیشکی بۆ ئەو پێکانەی دووچاری بوویەوە.
بەپێی زانیاری و سەرچاوەکان بێت،پۆڵ پۆگبا لەڕانیدا دووچاری ئازارێکی زۆر بووە و نەیتوانیوە ڕاهێنانەکانی تەواو بکات،کە ئەمەش دەبێتە گورزێکی کوشندە بۆ یانەی مۆناکۆ و ترسی ئەوە هەیە بۆ ماوەیەکی دوور و درێژ لەیاریگاکان دابڕێت و نەتوانێت بۆ دەستپێکی نوێی وەرز بەشداری بکات.
پۆگبا لەنەهامەتی دوو ساڵی ڕابردووی ڕزگاری بوو دوای ئەوەی بەهۆی بەکارهێنانی ماددەی وزەبەخش ماوەی 2 ساڵ ڕاگیرا،بەڵام دواتر کەم کرایەوە بۆ 18 مانگ و لەمانگی سێ لەگەڵ مۆناکۆ دەستی کردەوە یاری کردن،بەڵام ئەمڕۆ جارێکی دیکە ئەستێرە فەڕەنسیەکە کەوتەوە نەهەماتی و دووچاری پێکان هات.
“سەرکار ڕێبوار”