یانەی چێڵسی ئینگلیزی ئەمڕۆ لەڕاگەیاندراوێکی فەرمیدا ئاشکرای کرد گرێبەستیان لەگەڵ پێپ چاڤاریای ئیسپانی ئیمزا کردوە و یاریزانەکە بۆ ماوەی 5 وەرزی داهاتوو وەکو بەرگریکارێکی باڵ هاوکاری بلوز دەکات بۆ ڕکابەرییەکان.
بەپێی سەرچاوەکان بێت بڕی گرێبەستەکەی چاڤاریا 19 ملیۆن یۆرۆیە جگە لە پاداشتی گۆڵ و نازناو،کە ئەم گرێبەستەش لەسەر داوای خودی چابی ئەڵۆنسۆی ڕاهێنەر بووە بەمەبەستی پڕ کردنەوەی شوێنی کوکۆرییا،کە لەم هاوینەدا چێڵسی جێهێشت و پەیوەندی بە ڕیاڵ مەدریدەوە کرد.
پێپ چاڤاریای تەمەن 28 ساڵ لەگەڵ ڕایۆ ڤاییکانۆ وەرزی ڕابردوو درەوشایەوە و توانی ئاستێکی بەرز پێشکەش بکات،کە لە 33 یاری خاوەنی گۆڵێک و دوو ئەسیست بوو،کارامەییەکی زۆری هەیە لە فشار کردن لە باڵ و دەتوانێت هاوکارییەکی زۆری هێرشبەرەکان بکات.
“سەرکار ڕێبوار”