خوان لاپۆرتای سەرۆکی یانەی بەرشەلۆنە دوپاتیکردەوە کە دەستبەرداری رێکخستنی یاریی ماڵئاوایی و ریزلێنان بۆ لیۆنێل مێسی نەبوون و ئاشکرایکرد پێشتر مێسیمان ئاگادار کردووەتەوە لەوەی ئاهەنگێکی نایابی بۆ رێکدەخرێت بە ئەنجامدانی یارییەک لە یاریگای کامپ نۆ بێگومان ئەوەش کاتێک دەبێت کە یاریگاکە بە تەواوی ئامادەبێت و شوێنی 105 هەزار هاندەری تێدا ببێتەوە
سەرۆکی یانەی بەرشەلۆنە ئاماژەی بەوەشدا کە هەلی ئەوە هەبوو مێسی بگەڕێتەوە یانەکەیان و وەرزێکی تر لەگەڵیاندا یاریی بکات بەڵام ئەو ئەستێرە ئەرجەنتینییە بڕیارێکی جیاوازیدا و گەڕانەوەی رەتکردەوە بە بێ ئەوەی وردەکاری زیاتر لەبارەی هۆکارەکەیەوە باس بکات
لە کۆتاییدا لاپۆرتا خۆشەویستی خۆی و یانەکەی بۆ ئەستێرە ئەرجەنتینییەکە دەربڕی و رایگەیاند مێسی باشترین یاریزانی جیهانە و یەکێکە لە باشترینەکانی مێژووی تۆپی پێ و بەردەوامیش وەک ئەستێرەی دیاری یانەی بەرشەلۆنە دەمێنێتەوە