گواستنەوەی سێر ئەلێکس فێرگسۆن ڕاهێنەری پێشووی تەمەن 84 ساڵەی مانچستەر یونایتد بۆ نەخۆشخانە، تەنها هەنگاوێکی خۆپارێزی بووە و بارودۆخەکەی مەترسیدار نییە.
فێرگسۆن کە پێش یارییەکەی بەرامبەر لیڤەرپوول لە یاریگای ئۆڵدترافۆرد بینراوە، دواتر بە ئەمبوڵانس گواستراوەتەوە بۆ نەخۆشخانە. بەرپرسانی یانەکە گەشبینن کە بەم زووانە چاک دەبێتەوە و دەگەڕێتەوە ماڵەوە.
مایکل کاریک، ڕاهێنەری ئێستای یانەکە، دوای سەرکەوتنە پڕ بایەخەکەیان بەرامبەر لیڤەرپوول، هیوای زوو چاکبوونەوەی بۆ فێرگسۆن خواست و ئاماژەی بەوە کرد کە بێگومان بیستنی هەواڵی ئەم سەرکەوتنە کاریگەری ئەرێنی لەسەر تەندروستی مامۆستا کۆنەکەی دەبێت.