توێژەرانی زانکۆی پەنسلڤانیا بە بەکارهێنانی زیرەکیی دەستکرد بۆ شیکردنەوەی زیاتر لە ٤٠٠ هەزار پۆستی تۆڕی کۆمەڵایەتیی ڕێدیت لە ماوەی پێنج ساڵدا، چەند کاریگەرییەکی لاوەکیی کەمترازاندراوی دەرمانەکانی وەک ئۆزەمپیک و مۆنجارۆیان دەستنیشان کرد.
لە پاڵ کێشەکانی کۆئەندامی هەرستندا، بەکارهێنەران ئاماژەیان بە گۆڕانکاری لە سووڕی مانگانە، تێکچوونی پلەی گەرمیی جەستە (وەک لەرز و گەرماداهاتن) و هەستکردن بە ماندووبوونی بەردەوام کردووە.
شارەزایان هۆکاری ئەم نیشانانە بۆ کاریگەریی دەرمانەکان لەسەر بەشی هایپۆسالامووس لە مێشکدا دەگێڕنەوە و جەخت لە پێویستیی لێکۆڵینەوەی پزیشکیی زیاتر لەسەر ئەم داتایانە دەکەنەوە.