ئەندی بێرنهام وەک سەرۆکوەزیرانی نوێی بەریتانیا و جێگرەوەی کیێر ستارمر دەستبەکار بوو. چارڵزی سێیەم، پاشای بەریتانیا، ئەو سەرکردەیەی پارتی کرێکارانی بۆ پێکهێنانی حکوومەت ڕاسپارد. بێرنهام پێشتر سەرۆکی شارەوانیی مانچستەر بوو و بەهۆی ناوبانگییەوە بە “پاشای باکوور” دەناسرێت. ناوبراو دوای دەستلەکارکێشانەوەی کیێر ستارمر لە مانگی حوزەیراندا، ئەرکی ڕێبەرایەتیکردنی پارتی کرێکارانی گرتە ئەستۆ. بێرنهام بەڵێنی داوە کۆنترۆڵی کەرتەکانی ئاو، وزە، نیشتەجێبوون و گواستنەوەی گشتی بۆ کەرتی حکوومی بگەڕێنێتەوە، بەڵام گەڕانەوەی تەواوەتی بۆ نێو یەکێتیی ئەورووپا لە کارنامەکەیدا نییە. سەرۆکوەزیرانی نوێ ڕووبەڕووی تەنگژەی ئابووری، کێشەی نیشتەجێبوون و بەرزیی نرخی وزە دەبێتەوە. بێرنهام پێشتر لە کابینەکەی گۆردۆن براوندا وەزیری تەندروستی بووە و شارەزایییەکی باشی لە کاروباری سیاسیی وێستمینستەردا هەیە.