لەگەڵ بەرزبوونەوەی تێچووی شەڕ لەگەڵ ئێران، فشارە سیاسی و دارایییەکان لەسەر بەڕێوەبەرایەتی سەرۆکی ئەمریکا، دونالد ترامپ، بەردەوام زیاد دەبن. شەڕەکە لەتاقیکردنەوەیەکی سەربازی تەنها نەماوە و بووەتە بابەتێکیدارایی و سیاسی لە ناوخۆی واشنگتۆن، لە کاتێکدا وەزارەتیبەرگری ئەمریکا (پێنتاگۆن) داوای بڕێکی داراییی نائاسایی کردووەبۆ بەردەوامبوونی ئۆپەراسیۆنەکان و پڕکردنەوەی کەمیی تەقەمەنی و کەلوپەلی سەربازی.
بەپێی ڕاپۆرتێک ئەمریکا، دانیشتنەکانی گوێبیستی دواوە بوونەتە خاڵێکی گرنگ بۆ دیاریکردنی داهاتووی خەرجییە سەربازییەکان، لە کاتێکدا ڕەخنەکانی دیموکراتەکان لەسەر شەڕ و کاریگەرییە ئابوورییەکانی بەرزبوونەتەوە، بەڵام حکومەت جەخت دەکاتەوە کە پێویستی بە بودجەی زیادە هەیە و دواخستنی ناگونجێت.
بۆ سێیەم جار لە ماوەی چەند هەفتەی ڕابردوودا، وەزیری بەرگری ئەمریکا، پیت هیگسێث، لەبەردەم یەکێک لە لیژنەکانی کۆنگرێس ئامادە بوو. ئەمجارە، جگە لە بەرگریکردن لە بەڕێوەبردنی شەڕ، داوای فەرمی پەسەندکردنی پاکێجێکی بودجەی نائاسایی بە نرخی 87 ملیار دۆلاری پێشکەش کرد بۆدابینکردنی پێداویستییە سەربازییە زیادبووەکان.
هیگسێث ڕوونی کردەوە کە پێنتاگۆن ڕووبەڕووی کەمییەکی توند بووەتەوە لە سەرچاوە دارایییەکان بۆ دابینکردنی مووچەیسەربازان و جێگرتنەوەی کەلوپەل و تەقەمەنی بەکارهاتوو، وئاگاداری دا کە ئەگەر ئەو بودجەیە پەسەند نەکرێت، کاریگەریی خراپی لەسەر بەردەوامبوونی ئۆپەراسیۆنەکان و ئامادەباشی هێزەئەمریکییەکان لە ناوچەکە دەبێت.
ئەم داواکارییە لە کاتێکدا دێت کە وەزیری بەرگری ڕایگەیاندووە تێچووی خەمڵێنراوی شەڕ تا کۆتایی مانگی ئەیلوولی داهاتوو گەیشتووەتە 37.5 ملیار دۆلار، کە نزیکەی هەشت ملیار دۆلارزیاترە بە بەراورد لەگەڵ دوایین خەمڵاندنی ڕاگەیەنراو. بەگوێرەی وەزارەت، ئەم ژمارەیە خەرجییە ئۆپەراسیۆنییەکان، مووچەی هێزەکان، خزمەتگوزاریی چاکسازی و پاڵپشتی لۆجستی لەخۆ دەگرێت.