لە ڕووداوێکی هاتووچۆی هاوشێوەی کارەساتدا لەسەر ڕێگەی نێوان سنە – هەمەدان لە ڕۆژهەڵاتی کوردستان، ١٠ کەس گیانیان لەدەستدا و چەندین کەسی دیکەش بە سەختی بریندار بوون.
ڕووداوەکە کاتێک ڕوویدا کە تانکەرێکی گواستنەوەی سووتەمەنی لەگەڵ چەند ئۆتۆمبێلێکی دیکەدا پێکدادانی کردووە و لە ئەنجامدا تەقینەوەیەکی گەورە و ئاگرکەوتنەوەی لێکەوتووەتەوە. بەهۆی توندی تەقینەوەکەوە، زیانی زۆر بە ئۆتۆمبێلەکانی چواردەوری گەیشتووە و تیمەکانی فریاکەوتن و ئاگرکوژێنەوە دەستبەجێ گەیشتوونەتە شوێنی ڕووداوەکە بۆ کۆنتڕۆڵکردنی دۆخەکە و گواستنەوەی بریندارەکان بۆ نەخۆشخانەکانی شاری سنە.