کۆمپانیای فەڕەنسیی تۆتاڵ ئێنێرجی ڕایگەیاند لە گرێبەستێکی پێنج ساڵەدا تا ١.٦ ملیۆن تۆن گازی شل لە کۆمپانیای ئەدنۆک گازی ئیمارات دەکڕێت.
بەپێی بەیاننامەی ئەم کۆمپانیایە، یەکەمین بارهەڵگرەکان لە ساڵی ٢٠٢٦ی زایینیدا ڕادەست دەکرێن. بەهای گرێبەستەکە ڕانەگەیەندراوە و ناوی دامەزراوەی دابینکەر دیار نییە.
ئەدنۆک گاز ئەم گرێبەستەی ڕۆژی سێشەممە لە پەراوێزی کۆنفرانسی نەوتی ئادیپێک لە ئەبوزەبی بڵاو کردەوە.
فاتیمە نوعەیمی، بەڕێوەبەری جێبەجێکاری ئەدنۆک گاز گوتوویەتی داوای جیهانی بۆ گازی شل لە گەشەکردندایە و کۆمپانیاکەی “لە پێگەیەکی باشدایە بۆ بەدەستهێنانی ئەم دەرفەتە”.
ستیفان میشێل، سەرۆکی بەشی گاز، وزە نوێبووەکان و کارەبای تۆتاڵ ئێنێرجی، “پێگەی بێ کەموکوڕیی” ئەدنۆک گاز “لە نێوان ئەوروپا و ئاسیادا” بە سوودی ئەم مامەڵەیە ناو بردووە.
گۆڵف نیوز نووسیویەتی ئەم گرێبەستە لە کاتێکدا دەبەسترێت کە سنووردارکردنەکانی گەرووی هورمز هەناردەکانی کەنداوی کەم کردووەتەوە و نرخەکان بە بەرزایی ماونەتەوە.
