گوتەبێژی وەزارەتی دەرەوەی ئێران هۆشداریی دا بە وڵاتانی وەک ڕووسیا و چین کە هەڵوێستەکانیان لەبارەی جەنگ کاریگەریی لەسەر سیاسەتی داهاتووی تاران دەبێت.
اسماعیل بەقایی جەختی کردەوە «تەنانەت ئەوەی بڵێن بەشێک نین لە جەنگەکە بەس نییە» و شێوازی هەڵوێستگرتن دەکرێتە بەشێک لە هاوکێشە سیاسییەکانی داهاتوو.
ئەو هۆشداریی دا کە بێدەنگی بەرانبەر ئەم قەیرانە دەتوانێت کاریگەرییەکی گەورە هەبێت و لە کۆتاییدا هەموو لایەنەکان بگرێتەوە.
هەروەها هێرش بۆ سەر دامەزراوە ئەتۆمییەکان بە «تاوان» وەسفکرا و ڕەخنە لە هەڵوێستی ئاژانسی نێودەوڵەتیی وزەی ئەتۆم گرت.
لە هەمان کاتدا، بەقایی دووپاتی کردەوە ئێران هیچ وڵاتێکی ناوچەیی بە دوژمن نازانێت.
