هەڵبژاردەی مەغریب مێژوویەکی نوێ لە جیهانی تۆپی پێدا دەنووسێتەوە و ڕیکۆردێکی ناوازەی تۆمارکرد. شێرەکانی ئەتڵەس دوای سەرکەوتنە گەورەکەیان بەرامبەر هەڵبژاردەی هۆڵەندا، توانیان زنجیرەی یارییە بێ شکستەکانیان بگەیەننە 41 یاری لەسەریەک، ئەمەش دەستکەوتێکی بێوێنەیە کە پێشتر هیچ هەڵبژاردەیەک لە مێژوودا پێی نەگەیشتووە.
ئەم ڕیکۆردە مێژووییەی مەغریب لە ساڵی 2023ەوە دەستی پێکردووە و تاوەکو ئێستا بەردەوامە، بە جۆرێک لەو ماوەیەدا هیچ تیمێک نەیتوانیوە تامی شکست بەم هەڵبژاردەیە بچێژێت. ئەم دەستکەوتە دەرەنجامی پلانێکی تۆکمە، سەقامگیری لە پێکهاتەدا، و ئاستبەرزبوونی یاریزانانی مەغریبە لەسەر ئاستی نێودەوڵەتی، کە وایکردووە ببنە یەکێک لە بەهێزترین و ترسناکترین تیمەکانی جیهان.
مەغریب نەک هەر لەسەر ئاستی ئەفریقا، بەڵکو لەسەر ئاستی جیهانیش بووەتە هێزێکی ڕکابەر کە کەس ناتوانێت بە ئاسانی ڕووبەڕووی بێتەوە.
ئەم سەرکەوتنە بەردەوامانە نیشانەی ئەوەن کە تۆپی پێی مەغریب لە لوتکەی گەشەسەندندایە و دوای درەوشانەوەیان لە مۆندیال، ئێستاش بەم ژمارە پێوانەییە نوێیە سەلماندیان کە هێشتا تینووی نازناو و سەرکەوتنی زیاترن لە داهاتوودا.