رۆژنامەی گڵۆباڵ بڵاویکردووەتەوە کە نێیمار دا سێلڤای ئەستێرەی بەناوبانگی بەڕازیلی بڕیاریداوە تاوەکو مانگی کانوونی دووەمی داهاتوو پابەند بێت بە گرێبەستەکەیەوە و لە ریزەکانی یانەی سانتۆسی وڵاتەکەی بمێنێتەوە.
بەپێی زانیارییەکانی هەمان سەرچاوە، نێیمار بە هاوڕێ نزیکەکانی ڕاگەیاندووە کە ڕۆژی هەینی دەگەڕێتەوە بۆ ناو مەشق و ڕاهێنانەکانی یانەکە، چونکە نایەوێت لەم قۆناغە سەخت و هەستیارەدا یانەکە و هاوڕێکانی بەجێبهێڵێت.
ئەم بڕیارەی نێیمار لە کاتێکدایە کە یانەی سانتۆس بەهۆی قەیرانێکی دارایی سەخت و سزای قەدەغەکردنی گواستنەوەی یاریزانان لەلایەن فیفاوە بە دۆخێکی ناهەمواردا تێپەڕ دەبێت. چاوەڕوان دەکرێت گەڕانەوەی نێیمار ببێتە فاکتەرێکی سەرەکی بۆ ئەوەی یانەکە بتوانێت پێگەی خۆی لە ریزەکانی یانە پلە یەکەکانی بەڕازیلدا بپارێزێت.