ل سەر ڕاسپاردە و بڕیارا مەسرور بارزانی، سەرۆکێ حکومەتا هەرێما کوردستانێ، پێخەمەت خزمەتکرنا پتر یا کەرتێ ساخلەمیێ ل پارێزگەها دهۆکێ، ئەڤرۆ پێنجشەمبی ١٣ی تهباخا ٢٠٢٦ێ، ب ئامادەبوونا د. عەلی تەتەر، پارێزگارێ دهۆکێ، گرێبەستا دیزاینکرن و تمامکرنا نەخۆشخانا ٣٠٠ تەختی یا گشتی یا فێرکاری هاتە واژۆکرن.
نەخۆشخانە کو ل سەر ڕووبەرێ ٥٧ هزار مهترێن دوجا ل سنوورێ قەزا سێمێلێ دهێتە ئاڤاکرن، گرێبەستا وێ ژ لایێ د. ئهڤراسیاب موسا، ڕێڤهبهرێ گشتی یێ ساخلهمییا پارێزگهها دهۆکێ و جهعفهر چهلهبی، ڕێڤهبهرێ كۆمپانییا “CAP الچلبی” هاتە واژۆکرن.
د کۆنگرەکێ ڕۆژنامەڤانیدا، د. عەلی تەتەر پارێزگارێ دهۆکێ سۆپاسیا مەسرور بارزانی، سەرۆکێ حکومەتا هەرێما کوردستانێ کر، کو پشتی چەندین گرفتێن تەکنیکی و گوهۆرینا دیزاینێ، جۆارەکا دی پشتهڤانی ل بهردهوامییا کارێ ڤێ نهخۆشخانێ کریەڤە.
پارێزگارێ دهۆکێ ئاماژە ب وێ چەندێ ژی کر، کو ئەڤ نهخۆشخانه دێ ب شێوهیهكێ سهردهمیانه و ب ئامیرێن پێشكهفتی هێتە ئاڤاکرن، و دێ بیتە ئێك ژ مهزنترین نهخۆشخانەیان ل سهر ئاستێ پارێزگهها دهۆکێ، کو ب سهرجهم بهشێن نوشداری و چارهسهریان ڤە، خزمەتەکا مەزن پێشکێشی وهلاتیان کەت.