سەدان فەرمانبەری گریبەست لە وەزارەتی نەوت، ئەمڕۆ یەکشەممە لەبەردەم باڵەخانەی وەزارەتەکە لە ناوەڕاستی بەغدا خۆپیشاندانیان کرد و داوای جێگیرکردنیان لەسەر میلاکی هەمیشەیی کرد.
دوای ساڵانێک لە چاوەڕوانی بۆ یەکلاییکردنەوەی چارەنووسی پیشەیییان.
ژمارەیەک لە خۆپیشاندەران ڕایانگەیاند، ئەم خۆپیشاندانە بۆ داواکردنی کۆتاییهێنانە بە دۆسیەی بە هەمیشەیی کردنی فەرمانبەرانی گردبەست.
ئاماژەیان بەوەش کرد، بەشێکی زۆریان ساڵانێکی زۆریان لە خزمەتدا بەسەربردووە بە هیوای دەستەبەرکردنی مافەکانیانن.
خۆپیشاندەران جەختیان لەوە کردەوە، داواکارییە سەرەکییەکەیان بریتییە لە خێراکردنی ڕێکارەکانی دامەزراندنی هەمیشەیی و بەدیهێنانی دادپەروەری بۆیان، بەجۆرێک کە لەگەڵ ساڵانی خزمەت و پێویستیی دامەزراوەکانی وەزارەت بە تواناکانیان بگونجێت.
هاوکات هێزەکانی بەرەنگاربوونەوەی ئاژاوەگێڕی و هەندێک لە ئەندامانی وەزارەتی ناوخۆ گەمارۆی ئەمنیی دەوروبەری شوێنی خۆپیشاندانەکە یان داوە بۆ ڕێگریکردن لە هەر پێشێلکارییەک، لەگەڵ ئەوەشدا خۆپیشاندەران لە بەرزکردنەوەی داواکارییەکانیان لەبەردەم وەزارەت بەردەوام بوون.
هەر ئەمڕۆ، ژمارەیەک لە فەرمانبەرانی گرێبەست لە پارێزگا جیاوازەکانی عێراقەوە لەبەردەم باڵەخانەی وەزارەتی دارایی لە بەغدا گردبوونەوە و داوای بە هەمیشەیی کردنیان دەکرد دوای ئەوەی ساڵانێکە بە گرێبەست دامەزراون.